O bordo haj o sheruthno
Ande o Kulturrådet si jekh bordo savo si alome pherdal o regeringo haj ande lesko vas si interego o gazdimos la bukjako. O sheruthno (generalno direktoro), Kennet Johansson si o gazda pe o departamento haj ande leske vast si o gadzimos pe le interegone vramjako phirimos la bukljako. Karing le oxto manush kerren bukji ando sekretaro kaj tordjol ando Filmhuset po Gårdet ando Stockholmo.
Kola rodimatha ande politika kulturaki
O fundamento kaj adjesuthni politika si kola nationalni rodimatha save le Svedosko Parlamento alosardas pe e politika kulturaki. E kultura si te avel buthe mujengi, zumadi haj bi phangli zor te penel pesko ande o fundamento. Savorren si te avel shajimos te len hasna ande kulturako trajo. Le neve bukja, le buth muja haj o artisticko zhanimos si te grizhil le manushengo vazdimos.
Love pe kultura ande interego them
Jekh bari bukji ande Kulturådetoski bukji si te hulavel le azhutimaske love. O Kulturrådet huladas 1, 7 milijardi koroni ande o bersh 2009. O Kulturrådet del lovesko azhutimos kaj le instituciji, organizaciji haj bi phangle gruppi. E decizijia pa le love lelpe le azhutimasa kathar le bukjake haj le referencoske gruppura. Sa kethanes, 120 ramitora, makitora, djilabitora, muzikantura, sikjaritora, roditora, haj maj buth, kaj dikhen pherdal le applikaciji kaj roden le lovengo azhutimos. O Kulturrådet ashel lasho pe karing 40 kothora pe le lovengo azhutimos haj del o azhutimos pe sa de kathar knjishkenge anava zhi kaj le ternenge projektura pel muzelmura zhi kaj le gruppura khelimaske haj khelimaske gruppura akharde kavere themendar.
Lovengo azhutimos kaj le nationalni minoritetura
O Kulturrådet del lovengo azhutimos pe le sakone bersheske bukja haj pe le projektura te shaj vazdelpe le nationalni minoritetongi shib haj lengi kultura. Kola panzh gruppura save kerren le nationalni minoritetura ando Svedo si le Samura, Svedicka Finlanderura, Tornedalura, le Rom/Roma haj le Zhidovura. Le minoritetoske shiba si Zhidovicko, Romanes/Romani, Samicko, Finlandericko, haj Meankelicko, Tornedalfinlandericko. Föreningura, organizaciji, instituticiji vaj kaver saven si organizaciako nummero shaj roden le lovengo azhutimos. Thela o bersh 2009 huladjile sa po sa 7 miljioni koroni ande o azhutimos kaj le nationalni minoritetongi shib haj kultura. Ande kadala karing 5 miljionura sas dine kaj Tornedalsteatern, Sverigefinska biblioteket ando Stockholmo, Judiska biblioteket ando Stockholmo haj pe le teatroski bukja pe le Finlanderickone shibathe pe o Uusi teatteri/Nya finska teatern, save denpe pala le Kulturrådetosko reglovo lil.
Projektoske love pe le nationalni minoritetura
Pasha kadal bukjake love del o Kulturrådet projektoske love pel projektura phangle kaj le nationalni minoritetongi shib haj kultura, Azhutimos bukjake haj projektonge kaj si phangle kaj le nationalni minoritetura shaj vi phandenpe kaj kaver azhutimatha kathar o Kulturrådet phangle bukjande haj projektonde ande azutmiaske lovengi gor savi ilij.
O Kulturrådet maj fugo thol pesko azhutimos pe kodja so zurarel le nationalni minoritetongi kulturaki struktura haj vi pe le glathenge haj ternjimathenge bukja. Le projektoske mafeder si kana te avel jekh kothor lovesko azhutimos kavere thanestar, sar na primer kathar e kommuna vaj o landstingo. E applikacia pherrelpe pe Svedicko shib pe le Kulturrådetoski internetoski rig. E decizija lelpe kathar le Kulturrådetosko gazda pala jekh lasho divano koleske dino kathar jekh referencoski gruppa pe le nationalni minoritetongi shib, kultura haj ramope.
Djin maj buth pa le lovengo azhutimos kaj le nationalni minoritetura (pe Svedicko shib)
Lovengo azhutimos kaj le nationalni minoritetongo ramope
O Kulturrådet del lovengo azhutimos te denpe avri nationalni minoritetonge ramomatha sar knjishki haj te vazdelpe o dinoms lengo avri haj phirrajimos kathar le nationalni minoritetongo ramope haj lenge kulturake gazzeti. Le ramomasko azhutimos shaj rodelpe pherdal e knjishengi firma so del avri o ramomos vaj kaver dinitori ande o Svedo saves si organizaciako nummero, vaj bukjazij ando Svedo sar Samicko organizacia kaj kerrel kodja bukji te del avri knjishki pe Samicko shib ande firmatha kaj si ando Finlando vaj Norvego. Azhutimos kaj le nationalni minoritetonge kulturake gazzeti delpe ande normalno azhutimos te lasharenpe le kulturake gazzeti.
Djin maj buth pa le lovengo azhutimos kaj le nationalni minoritetongo ramope (pe Svedicko shib)
Sa kola chachimatha haj shajimatha
O dikhimos pe jekhimos mashar le mursh haj zhuvlja si jekh bari bukji le Kulturrådetoske haj intergo kulturako trajo. Kusa o hulajmos le lovengo o Kulturrådet si te dikhel pe kodja ke le zhuvlja haj le murshes si dine sa kola shajimatha haj chachimatha te lel hasna kathar le lovengo azhutimos te avel barvalo le kulturako divano.
Aresimos kaj e kulturako trajo
O Kulturrådet lel pe peste te del aresimos savorrenge kaj e kultura. Ande kado zhal o azutimos, te thon kethanes haj te ingeren le kulturako trajo te lel pes peste e bukja te areselpe o suno ande le invalidongi politika. Maj si buth so shaj lasharelpe te avel le kulturako trajo maj areslo maj buthendar.
Jekh panzhto kothor anda le manush
Le glathi haj le terne si karing jekh panzhto kothor anda le manush haj o rodimos si te shaj sa le glathi haj le terna te aresen e kultura haj te al len o shajimos te vazden les korkori. O makimos haj e kultura del le glathen parchimos ande o trajo haj del haljarimos ande luma kruglom lende, Le Kulturrådetosko rodimos si te avel jekh dikhimos le glathenge ande sa le kothora la bukjaki. O dikhimos le glathenge si te avel ande o divano kodolenge so roden le lovengo azhutimos, ande o chidmos le statistikako haj o chidimos le zhanimasko. O Kulturrådet lel parcha ande le netverkura, semanarura, haj konferenciji save phangle si kaj o divano pal glathi haj le ternengi kultura haj del azhutimos kaj o rodimos pe le glathengi haj le ternengi kultura.
Kultura avral e granijici
Internationalni kontaktura haj bukjake vorchara si jekh lashimos pe jekh buthe mujengo kulturako divano. O Kulturrrådet kerrel bukji kusa strategia haj pherdal lovengo azhutimos te zurarel o internationalno vorcharimos, sa kadja ando EU sar avral leste. Sar jekh kothor anda le internationalni bukja o Kulturrådet thol sama haj del informacia pa le EUoski politika haj bukji ande kulturaki gor. Sa ande jekh than o Kulturrådet das pasche panzh miljionura korono neki kaj o internationalno haj interkulturalno bukji thela o bersh 2008, anda savende 8 miljionura gele pe e internationalno bukji pe o ramope.
Kontakto
Statens kulturråd
Box 27215
102 53 Stockholm
Telefono: 08-519 264 00
Faxo: 08-519 264 99
E-post: kulturradet@kulturradet.se
Te aves amende: Filmhuset, Borgvägen 1
Putherdoj: måndag-fredag kl. 08.30-16.30