O cili vakerela so: ”I Kultura ka ovel dinamično, izazovnikani hem bivezimi e slobodaja izrazibaske sar osnova. Sakone ka ovel šaipa te deluinel ko kulturakoro dživdipa. Kreativiteti, raznovrste hem artikano kvaliteti ka obeležinel e društvoskoro buvlipa.”
Podrška prekal prihodia hem džanibaskoro širiba
Jekh taro amare hemimportantnikane buča tane te podelina potpore e mukhle kulturake hem literaturake, kulturakere institucie, regionia hem opštine. Keda delinaja o potpore o love džana maškar aver baši:
- Literatura, kulturnikane časopisia, drabaribaskoro unaprediba hem biblioteka
- Likovno -hem vizualno arti hem izložbe
- Muzika, teatar, kjeliba hem aver scenikano arti
- Kreativnikani škola hem škola kulturake
- Nacionalnikane minoritetengiri kultura
Pobut taro o ekvas love delinaja e državakere regionenge prekal o modeli kulturakere sorabotibaske, kote so o regionia hem i država sorabotinena. O modeli e regionenge ka del šaipa korkoro te vodinen ple lično kulturakere politikane prioritetia hem sar ka podelinenpe o love kulturake. O cili tano i kultura te avel popaše e državjanenge hem sarinen te ovel šaipa te učestvuinen ko kulturakoro dživdipa.
Te širina džanipa hem te vodina o buvlipa tano jekh kotor tari amari buti. Amen kedaja hem širinaja džanipa prekal istrage, produžiba hem prekal slediba o buvlipa ko sveto. Amen organizirinaja konferencie hem seminaria kote so kaninaja ko debate hem vakeriba.
E hakoskiri perspektiva
Ko artoskoro – hem kulturakoro than isi amen nalog tari i vlada te unapredina isto hakia hem šaipa sarinenge, bizi razlika ko seksualnikano stavi, polno identiteti ja polno identifikacia. Amen isi sektoreskiri odgovornost bašo invaliditeti hem nalog te zojrara e nacionalnikane minoritetengoro hem domorodengoro, laponengiri kultura. Amen isto ka integririna čhavengoro hako – hem ternengiri-, raznovrstengiri hem istohakoskiri perspektiva ki amari buti.
E čhaven hem e ternen isi hako kulturake
Keraja buti či o čhave hem o terne te dodživdinen profesialnikano arti hem kultura, učestvunen ko artoskoro – hem kulturakoro dživdipa hem korkoro te stvorinen. Odova keraja maškar aver delibaja potpore e aktorenge so producirinena kultura čhavenge hem ternenge ja šajkerena vlastito stvoriba.
Ko Kulturakoro soveti isi Kulturakoro školakoro centar, jekh nacionalnikano kulturakoro centar e državakere kulturakere škole. E Kulturakoro školakoro centar buvljarela džaniba hem delinela prihodia so doprinosinena širimo učestvuiba ki kulturakiri škola.
E Kulturakere sovete isi buvli delatnost unapreduibaske o drabariba. Amare beršeskoro lilengoro katalogo čhavenge – hem ternenge predstavinela jekh kvalitativnikano hem buvlo izbor akale beršeskere lilengere titule. Bokstart tano jekh uložiba či angleder te buvljarelpe e čhaveskiri čhib hem mangipa drabaribaske.
Ko Kulturakoro soveti isi drabaribaskoro soveti stručnakoncar imenime tari i vlada. E Kulturakoro soveti doprinosinela sorabotiba maškar e kulturakere aktoria, škola, civilno društvo, narodno obrazovanie, knižare hem avera kotora ki privreda. Amare drabaribaskere ambasadoria deluinena či sarinen, bizi razlika ko palunipa, ka ovel isto šaipa literaturake hem te oven drabardžie.
Internacionalnikani buti
Internacionalnikani zamena zorakerela e arteskoro buvlipa hem stvorinela raznovrsnost hem kvaliteti ko kulturakere ponude – hem ki Švedia hem ko inostranstvo. Odova tano džajbaskiri točka amare internacionalnikane bučake.
Swedish Literature Exchange unapredinela švedikani litteratura ko inostranstvo. Stransko izdavibaskere kjera, prevodačia, festivalia hem avera akteria šaj te roden prihodia te prevodinen hem te širinen švedikani literatura hem dramatikani literatura ko inostranstvo.
Astrid Lindgren Memorial Award tani hembari svetsko nagrada e čhavorikane – hem ternikane literaturake. Sako berš jekh manuš ja organizacia nagradinelape so doprinosindža baši e literaturakiri važnost e čhavenge hem e ternenge ko soro sveto.
Ko Kulturakoro soveti isi Kreativa Europa Desk kote so ka dobine potpora keda ka rode kulturakoro prihod ko EU. Kreativa Europa tano EU:ro program e kulturakere hem o kreativnikane thana.
E Kulturakoro soveti tani nacionalnikani kontaktiribaskiri točka e UNESCO: ri konvenciake te zaštitinel hem te unapredinel e kulturakoro raznoličnost. E konvenciakoro cili tano sa e arten, kulturakere rabotnikon hem e državjanen ki soro phuv te ovel šaipa te stvorinen, producirinen, širinen hem te len jekh kotor tari e kulturakiri ponuda, maškar aver prekal internacionalnikano sorabotiba.
E Kulturakoro soveti vodinela internacionalnikano program či globalno te zorarkerel hem te arakhel e artoskiri sloboda. I programa financirinelape tari i uprava humanitarno pomočeske Sida e cilea te pošukarkerel e artongere zahtevia či slobodno te stvorinen, te sikaven hem te distribuirinen delia bizo te dodživdinen pretiba ja represalie.
Ko amaro vebthan ka arakhe amare prihodia hem informacia koj šaj te rodel o prihod. Ka arakhe informacia sar unapredinaja e arteskoro hem e kulturakoro razvoj ko avera čania osim prihodia, kasaja sorabotinaja hem strategie sar keraja buti.
Šukar aljan te dožane pobut amendar hem bašo o barvalo arteskoro – hem kulturakoro dživdipa ki soro Švedia kote sian delimično hem so podržinaja!