Le cinturja ande politika phenen: ”E kultura si te avel jekh dinamiko, provokacijake aj biphangli puterja kaj sila o mothomaske slobodija sar fundamento. Sa le manuš si te aven len o posibiliteto le len partija ande kulturake žîvoto. E krativitateja, o diversiteto aj e ártake kvaliteto si te premetil sar o societeto lel forma”.
Te das žutimos aj te phenas maj dur pa o žanglimos
Jekh katar le maj importanto misijã si te bišavas fondurja kaj e kultura libero aj e literatura, kulturake institurija, regija aj komunija. Kana bišavas le fondurja žan le love maškar aver geli kaj:
- Literatura, kulturake magasinurja, te promotil o čitimos aj biblioteka
- Arta pol patreti aj forma aj vi egzibicija
- Muzika, teatro, khelimos aj aver fjalo arta pa bina
- Kreativiteko škola aj kulturake škola
- Nacionalne minoritenge kultura
Maj but katar jekh phaš le lovenge save bišavales djãn kaj le themaske regijunurja maškar le kulturake partnerimasko modelo, kaj regijunurja aj o stato keren buči kethanes. O modelo si kaj te aštil te del posibiliteto te porunčil pa lengi kulturake politikake prioriteturja aj sar le kulturake love te hulavelpen. So kamelpes si kaj e kultura te avel maj pašal le themaske manuša aj sa le manuš te avenlen posibiliteto te aven ande kulturake žîvoto.
Te phenas maj dur o žanglimos aj te inkeras o bharimos si vi jekh partja ande amari buči. Ame kidas andre aj phenas maj dur o žanglimos maškar rodimaske buči, monitorizarja aj vi te dikhas sar o lumja bharjiol. Amen inkeras konferensurja aj seminarurja kaj akharas andre ko debato aj divano.
Čačimake perspektiva
Ande arta aj kulturakezona simen ande amari misija katar o governo te vazdas sa kodola čačimatar aj posibiliteturja sa le manušenge bi te inkeres vederja pa sexualo dikhimos, geno vaj savo geno identifikistut. Řespondisaras ando sa o sektoro pa le pushimata pol dizibiliteto aj aj e misija te zoravas le nacionalne minoritenge aj le maj anglune manuš le samurenge kultura. Vi trebul te las andre perspektiva pa le šavorenge čačimatar, le ternenge, diversitake aj birešîmoske maškar le genurja.
Le šavorenge aj le ternenge čačimos kaj kultura
Amen keras buči anda kodo kaj le šavorre aj le ternen te shaj te zumaven profesionalno arta aj kultura, te len partja ande artake aj kulturake žîvito aj von korkorro te shaj te kreísaren. Kado keras pa kodo ke hulavas fondurja kaj le thana save produčin kultural le šavorenge aj le ternenge vaj den than te kreílpes.
Po kulturake konsiljó arekelpes vi o kuturake školake centrumo, jekh nacionalno žanglimasko centero le sa le themaske kulturake školi. O kuturake školake centrumo del maj dur žanglimos aj hulavel fondurja save inkeren maj dur te avel maj but save len partja ande kulturake škola.
O kulturake konsiljó siles jekh bari aktivitatja te inkeren maj dur o četimos. Amaro sakon beršeske le šavorenge aj ternenge katalogo sikavel jekh kvalitatesko aj bufli lista pa beršeske lilalaske anava. O Bokstart si jekh programo so kamel katar jekh anglutni vramja te bariol le šavorenge šhib aj o četimaske zelo.
Ando kulturake konsiljó arakhelpes vi jekh četimaske komiteto kaj le experturja thol pen katar o governo. O četimaske komiteto len partja ande kethanaske buči maškar le aktorurja ande kultura, škola, organizacija, barre manušenge sičarimos, lilaske dučjano, fórlago aj kaver riga katar le šeftoske žîvito. Amaro četimaske ambasadoro kerel buči kaj sa le manuš, bi te inkerelpes sama pa e fundaňa, te shaj te aven len posibiliteto te araken e literatura aj te arasel djinitori.
Internacionalno buči
O parudimos internacionalno zoravel o bharuimos ande arta aj del than te vazden o diversiteto aj kvaliteto ande artaske punuda – vi ando Švedo aj vi ke aver thema avri. Karing las amari internacionalno buči.
E Švedisko Lituraturake Parudimos inkerel maj dur e literatura švedisko avri ke aver stréinurja thema. Le stréinurja fórlagurja, tolmači, festivalurja aj aver aktorurja shaj te roden fondurja te tolmačin aj te phenen maj dur avri no stréineteto pa švedisko literatura aj e drama.
Astrid Lindgren Memorial Award si la lumjake o maj baro precjo ande šavorengen aj ternenge literatura. Sakon berš delpes o precjo kaj jekh manuš vaj organizacija save vazden e veza kaj sila e literatura anda le šavoren aj le terne ande sa e lumja.
Pa o kulturake konsiljó arakelpes e Kretivitake Europa Desko katar shaj te les žutimos kana kames te rodes fondurja katar o EU. E Kreativa Europa si jekh programo katar o EU pa kulturake aj kreativitake bučjake riga.
O kulturake konsiljó si azbaimasko than ande UNESCO konvencia te ferisarel aj te ingerel mah dur kulturake diversiteto. So kamelpes ande konvencia si le artisturja, kulturake bučarne aj le citizenturja ande sa e lumja te shaj te aven len posibiliteto te kreín, te phenen maj dur aj te len hazna pa jekh buhlo kulturake programo, maškar aver vi ando internacionalno partnerimos.
O kulturake konsiljó tradel jekh internacionalno programo globalo te zoravel aj te ferisarel te avel e arta libero. O programo si finansîme katar o žutimaske institucíje Sida aj kodo so kamelpes si te lašardon le kondicijurja karing le artisturja te aven libero te kreín, te sikaven aj te bišaven maj dur lengi buči bi te avel risko te arasen ande bida, daraímos aj represalja.
Pe amari internetoske rig shaj te arakes sa mare fondurja aj informatcia pa kon shaj te rodel love katar le fondurja. Shaj te arakes informacia vi pa sar inkeras maj dur te baríol e arta aj e kultura vi pe aver fjalo na numa le fondurja, savenca simen partnerimos aj amare strategjí pa sar keras buči.
Ajukeras tut te arakes maj but pre amende aj e barvali arta aj kulturake žîvito ande sa o Švedo aj savi amen žutisaras!