E celura si ke: ”E kultura si te avel dynamicno, provokalno taj zorali. Taj lako fundamento si e slobodija la vorbaki. Sako jek si te birij te lel udjalo ande e kultura. Kreativnosc, raznosc taj kulturalno kvaliteto si te ingrel angle le narodos”.
Zutisaras lovenca taj zanglimasa
Jek anda amare maj importantni bucha si te dzelisaras love kaj e kultura taj literatura, kulturalni instituciji, regionora taj kommunora. Kana ame dzelisaras le love, zjan le love pe:
- Literatura, kulturalni gazjeti, po sitjaripe taj pe biblioteka
- Patretora taj kulturalni sikaimata
- Gila, teatro, khelipe taj kavera sa kasave bucha
- Kulturalni skoli
- Nationalno minoritetongi kultura
Maj but sar dopash anda e love zjan kaj e themeske regionora po modelo ”kultursamverkansmodellen”, kaj so o regiono taj o them buchazin khetane. O modelo si te del e regionon drom te parancholin pe peske vlasni kulturpoliticni prioritetura taj sar te dzelin le love. O gindo si e kultura te pashol maj pashe le narodosa te birij sako jek te lel udjalo ande e kultura.
Amari bochi si vi te ingeras zanglipe le manushenge taj te keras te barol e buchi inke maj but. Ame kidas zanglipe taj ingeras la maj dur pa ruzni activitetora taj las sama so kerdol pe krujales ande luma pa kadala bucha. Ame keras konferansiji taj seminarium taj akaras manushen kaj debato taj kaj e vorba.
O dikhipe le chachimatongo
Ande e dzela la kulturaki si amen e buchi katar o regeringo te das chachipe taj drom sakones, kon vov tena avela, anda sako sexualno identiteto. Amen si responsibilitato ande nasvalkerdenge pushimata taj amari buchij te zoraras e kultura le nationalno minoritetongi taj le Samongi. Taj ame vi si te keras buchi le shavorenge taj le ternimatonge chachimatonsa.
E shavorengi taj le ternimatongi prava kaj e kultura
Ame kamas le shavora taj le ternimata te dikhen professionalno kultura, te len udjalo ande kultura taj vi te keren pengi vlasno dzela. Kado ame keras kana das love bucharenge save produktolin kultura shavorenge taj ternimatonge vaj den len drom the keren von pengi vlasno produkcia.
Po Kulturrådet si o Kulturskolecentrum, jek nationalno zanglimasko-centro le kulturalni skolenge. Kulturskolecentrum ingerel zanglipe taj rozdzelij love te avel jek maj buhlo primipe ande e kulturaki skola.
Ando Kulturrådet si jek buhli buchi sosa ame vasdas o ginaipe. Amaro katalogo kevnjengo le shavornge taj ternimatonge presentolij jek kvalitativno taj buhlo alope kevnjengo. Bokstart si jek buchi savasa sitjaras le shavoren shiba taj vasdas lengi vola te ginaven.
Po Kulturrådet si jek ginaimaski grupa (läsråd) expertonca shuteni katar o regeringo. E grupa pandel ketane razni aktoron anda e kultura, skola, civilno narodo, sitjaripe narodovo, kevnjenge organizatiji taj kaver instituciji. Amaro ambassadoro-ginajimasko kerel buchi te shaj avel drom sakone manushes, jednakovo kaj e literatura te kerdzon giniatora.
Internationalno buchi
Amari internationalno buchi kavere themensa zutij e artistovo kultura te barol taj del raznipe taj kvaliteto ande e kultura ando Swedo taj vi ande kaver thema. Kadoj o kindo amara buchasa kaj so keras international.
Swedish Literature Exchange zutisarel swedicko litteratura ande kaver thema. Themutne förlagori, tolmachura, festivalura taj kaver aktorura shaj roden love te tolmachin taj te ingeren swedicko literatura taj dramatika ande kaver thema.
Astrid Lindgren Memorial Award si e maj bari ashar ande luma ande e literatura shavorenge taj ternimatonge. Sako bersh primij daro jek individa vaj organizatia kaj so keren mishtipe ande e literatura shavorenge taj ternimatonge pa intrego luma.
Po Kulturrådet si e Kreativa Europa Desk kaj shaj zutin tu te rodes love pe kultura katar o EU. E Kreativa Europa si o programo anda EU pe kulturalni taj kreativni bucha.
O Kulturrådet si o nationalno kontakto pe UNESCO konventia ke te len sama pe, taj te zutisaren o kulturalno raznosc. O gindo la konventiasa si ke e artistora, e kulturake buchara, taj o narodo ande intrego luma si te avel len drom te keren, te produkciolin, te ingeren maj dur taj te len udjalo ando buhlipe la kulturako pa internationalno buchi.
O Kulturrådet inkerel jek internationalno programo globalnje te zuraren taj te inkeren e artistovo slobodija. O programo finansiolimej katar o biståndsmyndigheten Sida taj o celo si te lasharen e varonki le artistonge ke te birin slobodnje te keren taj te sikaven pengi kulturalno dzela, bi tena aven darade kaverendar.
Pe amari patrin arakes sa amaro zutipe lovengo kaj so ame das. Taj vi informatsia savi phenel kon shaj te rodel kadala love. Kate arakes informatsia pa sar ame keras buchi te barol e kultura kaveres sar feri loventsa, taj kasa ame keras amari buchi taj vi e strategia amara buchaki.
Av taj zjan avri maj but pa amende taj pa amari barvali kultura kaj so si krojales ando Swedo taj savasa ame keras amari buchi!